Gwaith celf mewn cysylltiad â’r Llwybr Arfordir ar gyfer Blwyddyn y Môr

Er mwyn dathlu Llwybr Arfordir Cymru yn ystod Blwyddyn y Môr, mae Cyfoeth Naturiol Cymru yn bwriadu comisiynu gwaith celf a fydd yn dal dychymyg y cyhoedd, gan fframio ein tirlun eiconig a chadarnhau statws y llwybr fel prif lwybr cerdded Cymru. Bydd y rhan y mae'r llwybr yn ei chwarae wrth gysylltu cymunedau a denu ymwelwyr, gan arwain at well gwydnwch cymdeithasol ac economaidd, yn greiddiol i'r comisiwn hwn. Mae Cyfoeth Naturiol Cymru yn cynnig y dylid creu'r gwaith celf a'i osod ar bwynt canol y llwybr ym mhentref Ceinewydd yng Ngheredigion. Mae'r lleoliad hwn yn briodol gan ei fod yn gosod maint a graddfa Llwybr Arfordir Cymru yn eu cyd-destun. Gallwn weld naratif yn datblygu yn seiliedig ar ein cydberthynas â'r arfordir a'r llwybrau a'r ffyrdd sy'n igam-ogamu ar ei draws, gan gysylltu pobl a chymunedau.