GŴYL GREFFTAU

Bydd yr ŵyl grefftau yn treialu cyfres o ddigwyddiadau crefftau yn ystod Medi 2019. Bydd prif benwythnos yr ŵyl yn cael ei gynnal 21-22 Medi, ond gyda chyfres o ddosbarthiadau meistr a stiwdios agored ledled y Fro wledig yn yr wythnosau cyn ac ar ôl y prif benwythnos.

Bydd tripiau astudio hefyd, a phecyn cymorth yn cael ei ddatblygu.

Cynhaliwyd yr ŵyl ledled y Fro wledig rhwng 14 a 29 Medi, gyda phrif farchnad gwneuthurwyr yr ŵyl yn cael ei chynnal yn y Bont-faen ddydd Gwener / dydd Sadwrn 20/21 Medi.

Cafwyd presenoldeb da yn y brif ŵyl yn y Bont-faen gyda llwyddiant amrywiol yn y lleoliadau eraill ledled y Fro. Roedd y dosbarthiadau meistr hefyd yn amrywio o ran llwyddiant, ond yr adborth cyffredinol gan y gwneuthurwyr oedd eu bod yn teimlo ei fod yn llwyddiant, gyda llawer yn arddangos neu'n gwerthu am y tro cyntaf, gan honni bod yr holl brofiad wedi bod yn gadarnhaol iawn, a'u bod wedi magu hyder ac yn ddiolchgar am y cyfle a'u bod bellach yn teimlo'n rhan o gymuned gwneuthurwyr.

Yn ystod y sesiwn drafod gyda nifer o wirfoddolwyr a gwneuthurwyr yr ŵyl, barn gyffredinol y grŵp oedd y byddent yn hoffi ffurfio pwyllgor a rheoli'r rhwydwaith yn y dyfodol, a'r digwyddiadau cysylltiedig, sy'n ganlyniad gwych ac yn un yr oedd y Grŵp

Gweithredu Lleol wedi gobeithio ei gyflawni drwy awgrymu gweithgaredd yr ŵyl. Mae'r Pwyllgor bellach wedi’i ffurfio ac yn gweithio ar gyfansoddiad ac yn edrych ar gyfleoedd ariannu ar gyfer digwyddiadau yn y dyfodol.