Hydro Crymlin

Mae tri diben i’r weledigaeth ar gyfer y prosiect: 1

• Adfer yr adeiladau ar gyfer defnydd masnachol a chymunedol, creu swyddi a chanolfan addysg
• Creu gofod cymunedol o gwmpas yr adeiladau gan gynnwys gorsaf newydd a chyfnewidfa amlfoddol a maes parcio
• Gosod cyfarpar cynhyrchu ynni gwyrdd gan gynnwys tyrbin pŵer trydan dŵr yn afon Ebwy i bweru’r adeiladau, a gwaith gwres o’r ddaear a fydd yn gwresogi’r adeiladau.

Mae’r cais hwn yn canolbwyntio ar y prosiect pŵer trydan dŵr, lle bydd cwlfert presennol afon Ebwy sy’n rhedeg trwy’r safle (y mae angen ei atgyweirio) yn cael ei symud ymaith neu ei uwchraddio, ac y bydd tyrbin dŵr pwysau isel yn cael ei osod ar ben deheuol y safle i gynhyrchu trydan ar gyfer adeiladau’r safle ac i’w allforio i’r grid. Hefyd bwriedir gosod gwaith gwres dŵr pwll ar y safle, gan ddefnyddio’r dŵr cynnes artesiaidd sy’n codi yn siafftiau’r hen bwll i ddarparu system gwresogi rhwydwaith i’r safle a’r adeiladau cyfagos.