Merched Medrus

Roedd prosiect Merched Medrus yn cynnwys gweithgaredd animeiddio a gynhaliwyd gan Hwylus Cyf, a gomisiynwyd gan Gyngor Sir Ceredigion ar ran Cynnal y Cardi, Grŵp Gweithredu Lleol LEADER ar gyfer Ceredigion, i ddatblygu rhwydwaith busnes menywod yn Llanbedr Pont Steffan, Ceredigion.

Y rhesymeg dros gychwyn Animeiddio o Rhwydwaith Busnes Menywod yn Llanbedr Pont Steffan oedd cyflawni'r amcanion canlynol:

1. Rhoi cyfleoedd i fenywod hyrwyddo eu busnesau, a datblygu cadwyni cyflenwi byr o fewn yr economi ranbarthol
2. Mynediad at gymorth busnes trwy ddod â siaradwyr arbenigol i mewn a chyfeirio at gynlluniau eraill
3. Rhannu arbenigedd a gwybodaeth i fusnesau ar wahanol gamau
4. Mentora rhwng aelodau
5. Adeiladu sgiliau newydd
6. Cynyddu hyder a chefnogaeth i fenywod adeiladu busnesau gwell
7. Cyfleoedd i gydweithio ac arloesi

Yn ystod y trafodaethau grŵp anffurfiol, gwnaed yn glir bod llawer o fenywod wedi elwa o'r cyfle trwy allu codi materion sy'n peri pryder, a derbyn cyngor gan fenywod busnes mwy profiadol. Roedd cael cymysgedd o fusnesau hefyd yn ddefnyddiol, lle'r oedd cyfrifwyr, cyfreithwyr ac arbenigwyr AD yn gallu darparu arweiniad ar ymholiadau ar gyfer busnesau manwerthu neu letygarwch eraill.

Ar ôl cwblhau'r prosiect, mae grŵp Merched Medrus wedi esblygu i fod yn grŵp WiRE, gyda Helen Howells a Nicola Doyle yn ymgymryd y rôl o Arweinwyr Rhwydwaith gwirfoddol. Mae’r grŵp yn cwrdd am 6.00yh ar ail ddydd Iau'r mis yn Boutique Bwyd a Diod Artisan.

Cyflwynwyd yr animeiddiad mewn 3 cham: ymgysylltu wyneb yn wyneb; treialu tri gweithgaredd rhwydweithio gwahanol; a datblygu astudiaeth achos fideo yn tynnu sylw at brofiadau menywod sy'n entrepreneuriaid yn Llanbedr Pont Steffan.

Ymgymerwyd â thri diwrnod o ymgysylltu wyneb yn wyneb ledled y dref a thrwy alwadau dilynol, ac yna tri chyfarfod rhwydweithio a'u cwblhau gyda datblygiad ffilm yn tynnu sylw at y tair astudiaeth achos.

Daeth cyfarfodydd Merched Medrus â menywod ynghyd ac nad oeddent efallai wedi cael cyfle o'r blaen i gwrdd â thrafod busnes. Er nad yw’r cyfarfodydd wedi canolbwyntio ar gydweithio ar gyfer nod penodol, maent yn sicr wedi darparu sylfaen ar gyfer sefydlu perthnasoedd a gweithredu fel ‘bwrdd sbring’ i syniadau gael eu datblygu ymhellach.

Adroddiad Llawn Merched Medrus ffeinal Medi 17.pdf

[.PDF, 6.21 MB]