Met Caerdydd - Prosiect HELIX - Canolfan Diwydiant Bwyd

Mae'r diwydiant bwyd yng Nghymru yn dioddef o ddiffyg arbenigedd technegol o fewn diwydiant i helpu i ddatblygu gweithgarwch ac arloesedd cynhyrchu bwyd. Mae hyn yn effeithio ar bob rhan o Gymru ond yn arbennig ardaloedd gwledig a'r Cymoedd lle mae cynhyrchiant bwyd wedi bod yn sbardun economaidd pwysig yn y gorffennol.

Bydd prosiect HELIX yn ceisio datblygu a darparu gweithgarwch trosglwyddo gwybodaeth sy'n canolbwyntio ar arloesi, strategaeth fwyd ac effeithlonrwydd a fydd yn cynyddu cynhyrchiant ac yn gweld lleihau gwastraff yn y gadwyn fwyd.

Bydd y prosiect hwn yn ffurfio rhan o ddarpariaeth Arloesi Bwyd Cymru felly mae'n gallu cwmpasu Cymru gyfan.

Bydd prosiect HELIX yn casglu gwybodaeth am gynhyrchu bwyd, tueddiadau a gwastraff o bob rhan o'r byd ac yn trosglwyddo'r wybodaeth i gynhyrchwyr a gweithgynhyrchwyr bwyd, boed yn gwmnïau newydd neu gwmnïau sydd wedi ennill eu plwyf o Gymru, gan roi'r cyfle gorau ar gyfer twf ac effaith ar economi Cymru a'r UE.

Caiff cynnwys trosglwyddo gwybodaeth ei ddarparu fel ymyriadau tymor byr, tymor canolig a thymor hir, yn dibynnu ar y diffyg mewn gwybodaeth am y diwydiant ond bydd yn ymdrin â phynciau mor amrywiol ag ailfformiwleiddio cynnyrch a lleihau gwastraff prosesu.

Bydd prosiect HELIX yn cael effaith sylweddol ar greu a chadw swyddi, lleihau gwastraff, a datblygu busnesau newydd.