Oergell Calon y Gymuned

Ein helpu gyda chostau cychwyn gosod oergell gymunedol a'n helpu i ariannu'r costau gweinyddol cychwynnol yn ogystal â chyflogi cydlynydd rhan-amser. Rydym yn ystyried y prosiect hwn yn brosiect peilot ac yn faes profi. Rydym wedi ymweld â'r oergell gymunedol yng Nghanolfan Bloomfield, Arberth, ac wedi siarad yn helaeth â'r cydlynydd Vicky Travers-Milne am gyngor a’r costau amcangyfrifedig.

Rydym hefyd wedi siarad â Bwyd Dros Ben Aber, Banc Bwyd Aberteifi ac wedi ymuno â'r rhwydwaith oergelloedd cymunedol sy'n cael ei redeg gan Hubbub.

I ddechrau, bydd yr oergell yn cael ei rhedeg gan gydlynydd rhan-amser gyda chymorth tasglu o wirfoddolwyr. Mae gwaith eisoes wedi dechrau ar recriwtio'r gwirfoddolwyr hyn gyda chais am hyfforddiant i wirfoddolwyr, treuliau a phrosiectau cysylltiedig yn cael ei gyflwyno i CGGC ganol Ebrill. Bydd y cydlynydd ynghyd â'r ymddiriedolwr gwirfoddol dynodedig a'r gwirfoddolwyr yn gyfrifol am hylendid, stocio a rheoli'r oergell.

Bydd cynnyrch yn cael ei gasglu (gan wirfoddolwyr) o Tesco (ac unrhyw archfarchnad rhannu bwyd lleol arall) ynghyd â busnesau lleol a'r gymuned gan gynnwys cynnyrch dros ben o'r ardd.