Mae Sefydliad y Diwydiant Moduro yn dechrau adolygiad o’r cyfresi canlynol o Safonau Galwedigaethol Cenedlaethol, gan gynnwys:
- Gosod Trydan Modurol a Thrydan Symudol
- Cynnal a Chadw ac Atgyweirio – Trelars Cerbydau Trwm
- Cynnal a Chadw ac Atgyweirio – Tryciau Codi
- Gosod Cerbydau
- Ailgylchu Cerbydau
- Cerbydau ACES (Autonomous Connected Electric Shared)
Mae’r Safonau Galwedigaethol Cenedlaethol yn parhau i fod yn adnodd gwerthfawr i lywio hyfforddiant a chymwysterau galwedigaethol, a phrentisiaethau.
I sicrhau bod canlyniad yr adolygiad yn unol ag anghenion y diwydiant, ledled Cymru, Lloegr, yr Alban a Gogledd Iwerddon, gwahoddir cyflogwyr, arbenigwyr diwydiant a rhanddeiliaid perthnasol eraill i gyfrannu at yr adolygiad er mwyn sicrhau bod y Safonau Galwedigaethol Cenedlaethol yn gyfoes ac yn addas i’w diben yn y sector.
Gallwch gymryd rhan yn y prosiect drwy:
- Y Grŵp Llywio Prosiect
- Gweithdai a / neu gyfweliadau (wyneb yn wyneb, ffôn neu Skype) ar y Safonau Galwedigaethol Cenedlaethol sy’n berthnasol i chi
- Ymgynghoriadau a gweminarau ar-lein
Os ydych chi am gymryd rhan yn yr adolygiad o’r safonau, cysylltwch â Caroline Harris carolineh@theimi.org.uk.
Bydd yr adolygiad yn cael ei gwblhau erbyn 31 Mawrth 2022.
Am ragor o wybodaeth, ewch i wefan IMI.