Mae sefydliadau treftadaeth ledled y DU dan bwysau cynyddol a chyfyngiadau ariannol, gyda llawer yn wynebu heriau eithafol er mwyn sicrhau dyfodol sefydlog.
Gydag effaith ychwanegol Covid-19, mae angen diwylliant o fentergarwch i adeiladu sector treftadaeth cynaliadwy a gwydn yn awr yn fwy nag erioed.
Bydd Camau at Gynaliadwyedd, rhaglen newydd gan Gronfa Dreftadaeth y Loteri Genedlaethol a ddarperir gan yr Academi Mentrau Cymdeithasol, yn darparu llwybr cymorth i fynd i'r afael â'r heriau hyn. Bydd yn helpu eich sefydliad i fod yn uchelgeisiol a blaengar ac i gyflawni prosiectau newydd cyffrous.
Pwy ddylai wneud cais?
Sefydliadau treftadaeth bach a chanolig yng Nghymru, Lloegr a Gogledd Iwerddon a'r rhai:
- Sy’n meddu ar syniad a all gynhyrchu incwm sydd heb ei lawn ddatblygu eto.
- Sydd angen yr adnoddau a'r gefnogaeth y mae'r rhaglen hon yn eu cynnig er mwyn gwireddu’r syniad hwn.
- Sy’n barod i ryddhau hyd at ddau berson o'ch sefydliad, yn ddelfrydol ymddiriedolwr ac aelod staff neu wirfoddolwr i fynychu'r rhaglen lawn.
- Sy’n gallu ymrwymo i amserlen lawn y rhaglen.
Y dyddiad cau ar gyfer derbyn ceisiadau yw 23 Gorffennaf 2021.
Am ragor o wybodaeth ewch i wefan yr Academi Mentrau Cymdeithasol.