Mae’r Gymdeithas Siopau Cyfleustra wedi lansio canllaw newydd i adwerthwyr yn y sector cyfleustra sy’n ystyried cyflwyno gwasanaeth danfon i’r cartref i gwsmeriaid.
Mae rhagor o adwerthwyr cyfleustra yn ystyried danfon nwyddau fel opsiwn i gyrraedd cwsmeriaid lleol sy’n hunanynysu, neu’r rhai sy’n methu â theithio i’w siop leol. Mae’r canllaw newydd yma’n rhoi manylion ynghylch beth ddylai adwerthwyr ei ystyried wrth ddechrau gwasanaeth danfon i’r cartref.
Mae’r canllaw yn cynnwys y meysydd canlynol:
- sut i gymryd archebion
- sut i gymryd taliadau
- sut i weithredu gwasanaeth casglu
- sut i reoli diogelwch data
- nwyddau â chyfyngiad oed
I gael rhagor o wybodaeth a llwytho’r canllaw i lawr, ewch i wefan y Gymdeithas Siopau Cyfleustra.
I gael cyngor a gwybodaeth am y Coronafeirws ar gyfer eich busnes, ewch i dudalennau cyngor am y Coronafeirws Busnes Cymru.