Ymunwch â ni i ddathlu llwyddiant y Gronfa Economi Gylchol a Phrosiectau Cadwyn Gyflenwi Cynnwys Eilgylch yng Nghymru, a ariannwyd gan Lywodraeth Cymru.
Mae wedi bod yn flwyddyn gyffrous a phwysig o ran rhoi hwb i hyder prynwyr/cyflenwyr i ddefnyddio cynnyrch eilgylch a gwneud yr economi gylchol yng Nghymru yn realiti.
Byddwn yn dangos sut rydym, drwy gydweithio, wedi cynorthwyo gwneuthurwyr i oresgyn heriau er mwyn defnyddio mwy o ddeunyddiau eilgylch – yn enwedig plastig – mewn nwyddau a gynhyrchir yng Nghymru.
Byddwn hefyd yn dangos sut mae’r Gronfa Economi Gylchol wedi helpu i gyflymu’r newid yng Nghymru i ddefnyddio mwy ar gynhyrchion sy’n cynnwys deunydd eilgylch ac ymestyn hyd oes ddefnyddiol nwyddau, gan hwyluso twf busnes a chreu swyddi newydd ar yr un pryd.
Bydd y digwyddiad yn gyfle i glywed gan arbenigwyr yn y diwydiant a fydd yn tynnu sylw at yr heriau a wynebir gan gynhyrchwyr a’r datrysiadau i’r heriau hynny. Bydd cyfle i holi cwestiynau pwysig a chlywed am y cymorth sydd ar gael i’ch busnes yn y flwyddyn i ddod.
Ymunwch â ni am 2pm – 4pm ddydd Llun 14eg Mawrth 2022. Digwyddiad ar-lein am ddim yw hwn.
Ewch i Eventbrite i archebu eich lle.