Mae Llywodraeth Cymru yn galw ar gyflogwyr i ddefnyddio cyllid ychwanegol Llywodraeth Cymru i ddiogelu gweithwyr sydd mewn perygl o fod yn anghymwys ar gyfer cynlluniau cymorth cyflogau Llywodraeth y DU.
Gyda’r cyfnod atal byr yn dechrau ar draws Cymru heno, mae Llywodraeth Cymru yn awr yn camu i’r adwy i ychwanegu £5 miliwn at y gronfa ddewisol o £20 miliwn a ddarperir i awdurdodau lleol i gefnogi busnesau i gadw’r gweithwyr sydd mewn perygl o beidio â bod yn gymwys am gymorth. Mae’r gronfa hon ar ben y pecyn grantiau o £300 miliwn a gyhoeddwyd yr wythnos diwethaf.
Yn ogystal, bydd £5 miliwn ychwanegol hefyd yn cael ei ddarparu i’r Gronfa Cymorth Dewisol sy’n rhoi grantiau i bobl sydd angen cymorth ar frys yn ystod yr argyfwng, gan gynnwys pobl sy’n aros am daliadau budd-daliadau a’r bobl mewn gwaith sy’n wynebu caledi.
I gael rhagor o wybodaeth ewch i wefan Llyw.Cymru.