Mae Llywodraeth y DU yn gwahodd safbwyntiau ar y dull hirdymor o sicrhau diogelwch cynnyrch a sut i sicrhau bod y fframwaith rheoleiddio yn addas ar gyfer y dyfodol.
Mae’n byd yn newid ac mae’n bwysig bod y fframwaith sy’n diogelu defnyddwyr rhag cynhyrchion peryglus yn cael ei adolygu a’i ddiweddaru os oes angen, er mwyn rhoi sylw i gynhyrchion neu fodelau busnes newydd ac arloesol.
Mae’r ymgynghoriad yn ceisio safbwyntiau o’r meysydd canlynol:
- cynllunio, gweithgynhyrchu a gosod cynhyrchion ar y farchnad
- modelau cyflenwi newydd
- cynhyrchion newydd a chylchoedd oes cynhyrchion
- ystyriaethau gorfodi
- fframwaith diogelwch cynnyrch amrywiol a chynhwysol
Mae’r ymgynghoriad yn cau ar 11:45 pm ar 3 Mehefin 2021.
Am ragor o wybodaeth, ewch i GOV.UK.