Pa un a ydych chi’n fusnes bach, canolig neu fawr, gall y tywydd effeithio arnoch chi mewn unrhyw le ac ar unrhyw adeg. Mae treulio amser yn cynllunio ac yn paratoi’ch busnes yn gallu arbed amser ac arian i chi pan fydd rhywbeth yn mynd o'i le.
Bydd creu cynllun parhad busnes yn eich helpu i ddeall a rheoli'r peryglon sy’n wynebu busnesau mewn achosion o eira mawr, llifogydd neu dywydd tebyg.
Hefyd, cynghorir busnesau i baratoi bag llaw ag eitemau hanfodol y mae modd cael gafael arno’n hawdd petai'n rhaid gwagio'r adeilad neu os nad oes modd mynd i mewn iddo.
Gellir cynnwys eitemau megis copi o fanylion cyswllt allweddol, copïau o ddogfennau yswiriant, cardiau’r busnes a chynllun parhad busnes er mwyn sicrhau cydnerthedd yn dilyn yr argyfwng.
Mae busnesau hefyd yn cael eu hannog i fod yn ymwybodol y gallai amodau tywydd gwael rwystro staff rhag teithio i’r gwaith. Felly, dylech werthuso’r risgiau a darparu atebion ar gyfer bod yn brin o staff ar adegau felly.
I gael rhagor o wybodaeth am baratoi ar gyfer argyfyngau, ewch i wefan: