Mae’r Gronfa Gweithwyr Llawrydd Chwaraeon wedi'i chynllunio i helpu gweithwyr llawrydd ym maes chwaraeon a gweithgarwch corfforol i adfer y colledion maent wedi'u profi o ganlyniad i'r pandemig COVID-19.
Mae'r gronfa ar gyfer gweithwyr llawrydd y mae eu gwaith yn darparu gweithgarwch yn uniongyrchol i gyfranogwyr (e.e. hyfforddwyr personol, cyfarwyddwyr/ ymarferwyr a hyfforddwyr cyflogedig) sydd wedi colli o leiaf £2,500 o incwm oherwydd pandemig.
Bydd gweithwyr llawrydd sy'n bodloni’r meini prawf cymhwysedd yn cael £2,500 i adfer eu colledion.
Dylech nodi os cawsoch chi gefnogaeth drwy rownd 1 y Gronfa Gweithwyr Llawrydd, nad ydych yn gymwys am gefnogaeth yn yr ail rownd yma.
Bydd ceisiadau i'r gronfa yn cau am 5pm ddydd Mercher 3 Chwefror 2021.
Am ragor o wybodaeth, ewch i wefan Chwareon Cymru.