Os yw eich busnes yn mewnforio nwyddau i'r DU, yna mae angen i chi symud i'r Gwasanaeth Datganiadau Tollau nawr. Os na fyddwch yn gwneud hynny, ni fyddwch yn gallu mewnforio nwyddau i'r DU o 1 Hydref 2022.
Hyd yn oed os ydych chi'n defnyddio asiant tollau i'ch helpu gyda datganiadau tollau, mae yna gamau y mae angen i chi eu cymryd o hyd. Mae angen i chi:
- danysgrifio i'r Gwasanaeth Datganiadau Tollau
- dewis dull talu
- gwirio bod eich awdurdodau sefydlog wedi'u sefydlu'n gywir
- rhoi cyfarwyddiadau clirio tollau i'ch asiant tollau
Mae'n cymryd nifer o wythnosau i symud ar draws felly dylech chi danysgrifio cyn gynted â phosibl.
Bydd rhestr wirio masnachwyr CThEM yn eich helpu i sicrhau eich bod wedi cymryd y camau angenrheidiol.
Gallwch sefydlu awdurdod sefydlog ar y Gwasanaeth Datganiadau Tollau ar eich cyfrif ariannol tollau. Gallwch hefyd wneud newidiadau i ychwanegu neu ddileu'r rhain yn yr un lle.
Erbyn 30 Medi 2022, mae angen i chi sefydlu cyfarwyddyd Debyd Uniongyrchol newydd ar gyfer y Gwasanaeth Datganiadau Tollau os ydych yn defnyddio cyfrif gohirio tollau. Os na fyddwch yn gwneud hyn, ni fyddwch yn gallu defnyddio'ch cyfrif gohirio tollau a bydd angen i chi wneud taliadau ar unwaith bob tro y byddwch yn gwneud datganiad mewnforio.
Y cymorth a’r gefnogaeth ar-lein sydd ar gael
Mae gan CThEM ystod o gefnogaeth ar-lein sydd ar gael i'ch helpu i symud i'r Gwasanaeth Datganiadau Tollau, gan gynnwys:
- gwybodaeth am ddulliau talu
- cyfres newydd o fideos ‘sut i’ byr ar sianel YouTube CThEM
- rhestr o asiantau tollau a gweithredwyr parseli cyflym a ddiweddarir yn rheolaidd, sy'n gallu helpu busnesau gyda symud i'r Gwasanaeth Datganiadau Tollau
Mae mwy o help a chymorth ar gael
Os oes gennych unrhyw gwestiynau ynglŷn â'r Gwasanaeth Datganiadau Tollau, cysylltwch â CThEM drwy ddefnyddio un o’r sianeli hyn