Mae Ffederasiwn y Busnesau Bach (FSB) yn dathlu cyflawniadau a chyfraniadau busnesau bach a phobl hunangyflogedig ledled y DU.
Fel y digwyddiad mwyaf o'i fath yng nghalendr y busnesau bach, mae'r Gwobrau Dathlu Busnesau Bach proffil uchel FSB yn rhad ac am ddim i ymgeisio ac yn agored i bawb.
Gan y bydd enillwyr pob categori yn ennill lle yn rownd derfynol fawreddog y DU ac yn cael cyfle i gael eu coroni'n Fusnes Bach y Flwyddyn y DU, mae'n gyfle i gael cydnabyddiaeth eang. Bydd cystadleuwyr yn cael eu beirniadu gan banel o arbenigwyr busnes blaenllaw sydd â chyfoeth o brofiad yn eu diwydiant.
Mae 12 categori, ac mae croeso i chi rhoi cynnig ar gymaint o wahanol gategorïau yn eich ardal ag y dymunwch; fodd bynnag, gwnewch un cais fesul categori yn unig.
Y dyddiad cau i Gymru yw 2 Chwefror 2023, a bydd rownd derfynol Cymru'n cael ei chynnal ar 24 Mawrth 2023.
Wedyn, bydd enillwyr pob categori daearyddol yn cael eu cofrestru ar gyfer Rownd Derfynol y DU, a gynhelir ar 18 Mai 2023 yn y National Conference Centre, Birmingham.
I gael mwy o wybodaeth ac i wneud cais, ewch i Entering the Awards (fsbawards.co.uk)