A yw eich busnes yn seiberddiogel? Mae risg seiber wedi cael ei nodi’n un o'r risgiau mwyaf i endidau masnachol ledled y byd.
Prif nod y Prosiect Yswiriant Seibergadernid gan Brifysgol Abertawe, a ariennir gan Gronfa Arloesi Ymchwil Cymru, yw gwerthuso effeithiolrwydd yswiriant risg seiber fel offeryn rheoli risg ar gyfer busnesau bach a chanolig Cymru (BBaCh).
Mae llawer o fusnesau'n teimlo eu bod nhw’n rhy fach i fod yn darged deniadol i seiber-droseddwr. Yn anffodus, gall yr ymagwedd hon eu gwneud nhw’n brif dargedau.
Gall eich busnes fod mewn perygl o ymosodiad seiber os ydych yn cymryd rhan mewn unrhyw un o'r gweithgareddau busnes sylfaenol canlynol:
- Defnyddio e-bost
- Cadw data cwsmeriaid
- Bod gennych wefan
- Cymryd taliadau ar-lein
Bydd digwyddiadau a hyfforddiant ymwybyddiaeth seiber yn cael eu cynnal ledled Cymru i werthuso'r ffordd orau y gall BBaChau ddiogelu eu hunain rhag risgiau seiber.
Bydd y digwyddiadau hyn yn rhoi gwybodaeth hanfodol i chi a allai fod yn allweddol i amddiffyn eich busnes rhag risgiau seiber. Bydd arbenigwyr yn cynnig cyngor syml ond effeithiol ar aros yn ddiogel, gyda chyfleoedd i drafod y dull gorau ar gyfer eich busnes gyda phwyslais ar amddiffyn ac yswiriant risg seiber.
Cynhelir y digwyddiad nesaf ar 15 Chwefror 2023 yn Wrecsam, i gael fwy o wybodaeth ac i drefnu lle, cliciwch ar y ddolen ganlynol Cyber Risk: Building Resilience in Wales Tickets, Wed 15 Feb 2023 at 12:00 | Eventbrite
I gael mwy o wybodaeth ynglŷn â'r prosiect, cliciwch ar y ddolen ganlynol Cyber Risks Insurance: Building Resilience in Wales - Swansea University