Cyhoeddodd Llywodraeth Cymru heddiw fod pecyn cymorth gwerth £48 miliwn yn cael ei roi i’r diwydiant bysiau yng Nghymru i’w helpu i ymadfer o effeithiau’r pandemig ac i ymateb i’r heriau ariannol sy’n ei wynebu.
Bydd y Pecyn Brys ar gyfer Bysiau yn cau’r ‘bwlch ariannol’ tan ddiwedd y flwyddyn er mwyn i weithredwyr bysiau allu cynnal y gwasanaethau a’r llwybrau sy’n angenrheidiol yn eu hardal. Y tâl am hynny yw mwy o reolaeth gyhoeddus ar wasanaethau bysiau Cymru.
Mae’r pecyn ariannol hwn yn un o nifer o fesurau tymor byr sy’n cael eu cynnig gan Lywodraeth Cymru i helpu gweithredwyr bysiau, hynny pan fo’r angen fwyaf. O ran dyfodol tymor hwy y diwydiant, caiff adolygiad o’r Grant Cynnal Gwasanaethau Bysiau (BSSG) ei gynnal i weld sut y gellid ei ddefnyddio i dorri dibyniaeth y diwydiant ar gynlluniau cyllido brys a phontio’r bwlch i fasnachfreinio.
I gael mwy o wybodaeth ewch i £48 miliwn i helpu diwydiant bysiau Cymru i oroesi a ffynnu | LLYW.CYMRU