At ddibenion y cynllun hwn, bwriedir i eiddo manwerthu fel siopau, bwytai, caffis a lleoedd yfed olygu’r canlynol (yn amodol ar feini prawf eraill yn y canllaw hwn).
Hereditamentau sy’n cael eu defnyddio i werthu nwyddau i aelodau’r cyhoedd sy’n ymweld â nhw
- Siopau (fel gwerthwyr blodau, pobyddion, cigyddion, groseriaid, gwerthwyr llysiau, gemyddion, gwerthwyr nwyddau swyddfa, siopau diodydd trwyddedig, siopau papurau newydd, siopau nwyddau haearn, archfarchnadoedd, ac ati)
- Siopau elusen
- Optegwyr
- Fferyllfeydd
- Swyddfeydd post
- Siopau dodrefn neu ystafelloedd arddangos (fel siopau carpedi, ffenestri dwbl, drysau garej)
- Ystafelloedd arddangos ceir neu garafannau
- Safleoedd gwerthu ceir ail law
- Marchnadoedd
- Gorsafoedd petrol
- Canolfannau garddio
- Orielau celf (lle mae modd prynu neu logi gwaith celf)
Hereditamentau sy’n cael eu defnyddio i ddarparu’r gwasanaethau canlynol i aelodau’r cyhoedd sy’n ymweld â nhw
- Gwasanaethau trin gwallt a harddwch
- Trwsio esgidiau neu dorri allweddi
- Asiantaethau teithio
- Swyddfeydd tocynnau (e.e. ar gyfer theatr)
- Gwasanaethau sychlanhau
- Golchdai
- Trwsio cyfrifiaduron, setiau teledu neu gyfarpar domestig
- Trefnwyr angladdau
- Prosesu lluniau
- Llogi DVD neu fideo
- Llogi offer
- Llogi ceir
- Asiantaethau gwerthu a gosod eiddo
Hereditamentau sy’n cael eu defnyddio i werthu bwyd a / neu ddiod i aelodau’r cyhoedd sy’n ymweld â nhw
- Bwytai
- Bwytai archebu o’r car
- Siopau tecawê
- Siopau brechdanau
- Caffis
- Siopau coffi
- Tafarnau
- Bariau neu Fariau Gwin
Hereditamentau sy’n cael eu defnyddio i ddarparu chwaraeon, hamdden a chyfleusterau i aelodau’r cyhoedd sy’n ymweld â nhw (gan gynnwys i wylio gweithgareddau o’r fath) ac i ymgynnull aelodau’r cyhoedd sy’n ymweld â nhw
- Meysydd a chlybiau chwaraeon
- Cyfleusterau chwaraeon a hamdden
- Campfeydd
- Atyniadau i dwristiaid
- Amgueddfeydd ac orielau celf
- Plastai a thai hanesyddol
- Theatrau
- Lleoliadau cerddoriaeth fyw
- Sinemâu
- Clybiau nos
Hereditamentau sy’n cael eu defnyddio i ymgynnull aelodau’r cyhoedd sy’n ymweld â nhw
- Neuaddau cyhoeddus
- Tai clybiau, clybiau a sefydliadau
Rydym yn ystyried bod gwestai, eiddo llety a phreswyl, a llety hunanarlwyo yn golygu’r canlynol.
Hereditamentau lle mae’r rhan annomestig yn cael ei defnyddio i ddarparu llety preswyl fel busnes
- Gwestai, Tai Llety a Thai Preswyl
- Cartrefi gwyliau
- Parciau a safleoedd carafannau