Gall trais ac ymddygiad ymosodol yn y gwaith gael effaith ddifrifol ar iechyd corfforol ac iechyd meddwl eich gweithwyr.
Mae’r Awdurdod Gweithredol Iechyd a Diogelwch (HSE) wedi adnewyddu ei ganllawiau ar drais yn y gwaith i'ch helpu i amddiffyn eich gweithwyr.
Mae wedi cael ei ddiweddaru i:
- symleiddio'r llywio i'ch helpu i ddod o hyd i'r wybodaeth sydd ei hangen arnoch yn hawdd
- dileu hen gynnwys a rhoi arweiniad ymarferol cyfredol yn ei le
- eich atgoffa bod diffiniad yr Awdurdod Gweithredol Iechyd a Diogelwch o drais yn cynnwys ymddygiad ymosodol, fel cam-drin geiriol neu fygythiadau – gall hyn fod wyneb yn wyneb, ar-lein neu dros y ffôn
Bydd y canllawiau yn eich helpu i asesu'r risgiau, rhoi'r rheolaethau cywir ar waith i ddiogelu gweithwyr a rhoi gwybod am ddigwyddiadau a dysgu oddi wrthyn nhw.
Mae arweiniad penodol ar sut i gefnogi eich gweithwyr ar ôl digwyddiad treisgar. Caiff enghreifftiau eu hamlygu o sefyllfaoedd nodweddiadol hefyd.
Mae cyngor ar wahan i weithwyr, sy'n esbonio sut y gallan nhw helpu cyflogwyr i atal digwyddiadau treisgar yn y gwaith.
I gael mwy o wybodaeth, cliciwch ar y ddolen ganlynol Violence and aggression at work - HSE