Mae gan fusnesau sy’n defnyddio llawer o ynni a gweithredwyr rhwydwaith gwres lai na mis ar ôl i wneud cais am gymorth gan Lywodraeth y Deyrnas Unedig a allai wneud eu biliau ynni cyfanwerth gymaint ag un rhan o bump yn rhatach.
Anogir yr holl fusnesau cymwys i weithredu nawr i elwa o’r cymorth sydd ar gael trwy’r Cynllun Gostyngiad mewn Biliau Ynni. Mae gan gwmnïau tan 25 Gorffennaf 2023 i wneud cais, a bydd gostyngiadau’n cael eu cymhwyso i’w biliau tan fis Ebrill y flwyddyn nesaf.
Rhoddwyd y cynllun ar waith i gadw costau’n isel trwy gynnig cyfradd uwch o gymorth i’r rhai sy’n defnyddio symiau sylweddol o ynni i ddarparu eu gwasanaethau a’u nwyddau – fel cwmnïau serameg a thecstilau.
Cynghorir busnesau i wirio GOV.UK cyn gynted â phosibl i weld a ydynt yn gymwys a beth mae angen iddynt ei wneud i ymgeisio.
I gael rhagor o wybodaeth, dewiswch y ddolen ganlynol High energy use businesses urged to claim extra discount on energy bills - GOV.UK (www.gov.uk)