Os wyt ti’n bwriadu dechrau busnes neu’n rhedeg un yn barod, gallai Cynnig Gofal Plant Cymru helpu i wneud bywyd ychydig yn haws i ti neu dy staff drwy roi cymorth tuag at gost gofal plant.
Oeddet ti'n gwybod y gallet ti neu dy staff gael 30 awr o addysg gynnar a gofal plant wedi’i ariannu yr wythnos, am hyd at 48 wythnos o'r flwyddyn? Mae hyn yn cynnwys hyd at naw wythnos o wyliau'r ysgol.
Gallai'r Cynnig dy helpu ar dy daith fusnes drwy dy alluogi i gynyddu dy oriau neu gael hyfforddiant ychwanegol neu i dy staff wneud hynny. Gallai hyd yn oed helpu i annog staff newydd i ymuno â'r busnes trwy ganiatáu iddyn nhw ddychwelyd i'r gwaith.
I fod yn gymwys i gael cyllid, mae'n rhaid bod:
- â phlentyn 3 neu 4 oed
- yn byw yng Nghymru
- yn gyflogedig neu'n hunangyflogedig, yn ennill llai na £100,000 y flwyddyn. Fel arall, gallet fod wedi dy gofrestru ar gwrs addysg uwch neu addysg bellach sydd o leiaf 10 wythnos o hyd
I wybod mwy am y broses ymgeisio dewisiwch y ddolen ganlynol: Cynnig Gofal Plant Cymru | Help Gyda Chostau Gofal Plant yng Nghymru | LLYW.CYMRU