Mae astudiaeth eleni’n dadansoddi presenoldeb digidol bron i 6,000 o fusnesau yng Nghymru.
Mae’n cynnwys cynrychiolwyr o bob cornel o’r wlad gan roi darlun manwl o’r dechnoleg ddigidol a ddefnyddir ar draws economi Cymru. Gan ddefnyddio dull hollol newydd o fesur Aeddfedrwydd Digidol economi BBaCh Cymru, mae Arolwg Aeddfedrwydd Digidol Cymru 2023 yn cymryd sampl o fusnesau Cymru gan dracio eu presenoldeb ar-lein dros y saith mlynedd diwethaf a’u sgorio ar sail pump metrig allweddol. Dyma’r arolwg mwyaf o’i fath erioed yng Nghymru a’r cyntaf i fonitro gweithgareddau digidol busnesau Cymru’n uniongyrchol.
Ar y wefan, gallwch lawrlwytho’r adroddiad llawn a gweld crynodebau, siartiau a ffeithluniau’n cynnwys popeth sydd angen ei wybod am y defnydd a wneir o dechnoleg ddigidol yn economi Cymru:
- Beth yw’r ganran o gwmnïau arloesi yn fy awdurdod lleol?
- Pa sectorau busnes sydd fwyaf aeddfed yn ddigidol?
- Sut y mae’r defnydd o’r Gymraeg ar wefannau wedi ehangu ers 2016?
I gael rhagor o wybodaeth, dilynwch y ddolen ganlynol Home - Welsh Digital Maturity Survey 2023 (eticlab.co.uk)