Mae arolygwyr yr Awdurdod Gweithredol Iechyd a Diogelwch yn cynnal arolygiadau dirybudd mewn dinasoedd a threfi lle mae argyfwng coronafeirws, er mwyn sicrhau bod busnesau yn COVID-ddiogel.
Mae bod yn COVID-ddiogel yn golygu bod angen i fusnesau roi addasiadau yn y gweithle ar waith, bod yn ymwybodol o’r canllawiau diweddaraf a rhoi mesurau ar waith i reoli'r risg a diogelu gweithwyr ac eraill.
Mae camau ymarferol y gall busnesau eu cymryd, gan gynnwys:
- cam 1 – cynnal asesiad o risg COVID-19
- cam 2 - datblygu gweithdrefnau glanhau, golchi dwylo a hylendid
- cam 3 – cynnal pellter cymdeithasol o 2 fetr lle bo’n bosibl
- cam 4 – lle na all pobl fod 2 fetr ar wahân, rheoli risg trosglwyddo
Bydd canllawiau'r Awdurdod Gweithredol Iechyd a Diogelwch ar weithio’n ddiogel yn ystod yr argyfwng coronafeirws yn eich helpu i reoli’r risg sy’n gysylltiedig ag ailddechrau neu redeg eich busnes yn ystod y pandemig.
Am ragor o wybodaeth, ewch i wefan yr Awdurdod Gweithredol Iechyd a Diogelwch..