Straen, gorbryder ac iselder yw'r achos mwyaf o salwch yn gysylltiedig â gwaith ym Mhrydain Fawr ac mae'r niferoedd yn parhau i godi.
Yn ôl yr ystadegau diweddaraf (PDF), roedd 914,000 o weithwyr yn dioddef o straen, iselder neu bryder yn gysylltiedig â gwaith yn 2021/22. Collwyd 17 miliwn o ddiwrnodau gwaith oherwydd straen yn y cyfnod hwn.
Mae gan wefan straen yr Awdurdod Gweithredol Iechyd a Diogelwch (HSE) ddigonedd o gyngor ac mae'n cynnwys enghreifftiau o asesiadau risg straen wedi'u teilwra i fusnesau o wahanol feintiau, yn ogystal ag astudiaethau achos a llawer mwy.
Mae’r stress talking toolkit yn dangos sut y gall rheolwyr llinell gael sgyrsiau syml, ymarferol gyda gweithwyr i helpu atal straen yn y gwaith.
Nod eu hymgyrch Working Minds yw atal straen yn gysylltiedig â gwaith ac annog iechyd meddwl da.
Mae pennod ddiweddaraf podlediad yr Awdurdod Gweithredol Iechyd a Diogelwch yn trafod pwysigrwydd gweithio mewn partneriaeth i atal straen yn gysylltiedig â gwaith ac i hybu iechyd meddwl da.