Mae buddsoddiad Cymru Greadigol mewn cynyrchiadau wedi rhoi hwb o £187 miliwn i economi Cymru ers iddi gael ei chreu yn 2020, meddai Dirprwy Weinidog y Celfyddydau, Chwaraeon a Thwristiaeth, Dawn Bowden heddiw (20 Mehefin 2023).
Datgelodd y Dirprwy Weinidog y ffigurau yn nigwyddiad arddangos personol cyntaf Cymru Greadigol sy'n cael ei gynnal yng Nghaerdydd, a fydd yn dathlu llwyddiannau'r sector ac yn amlinellu cynlluniau ar gyfer twf a datblygiad yn y dyfodol.
Ers ei sefydlu, mae Cymru Greadigol, asiantaeth greadigol Llywodraeth Cymru, wedi buddsoddi £16.3 miliwn mewn cyllid cynhyrchu i 31 o brosiectau, gan gynhyrchu dros £187 miliwn i economi Cymru a dangos mwy na 11:1 o Enillion ar Fuddsoddiad ar gyfer yr economi.
Mae'r buddsoddiad hwn hefyd wedi creu miloedd o gyfleoedd i weithlu talentog Cymru ac mae eisoes wedi arwain at fwy na 265 o leoliadau â thâl i hyfforddeion sy'n ceisio torri i mewn i'r diwydiant.
Am ragor o wybodaeth, dilynwch y ddolen ganlynol Buddsoddiad Cymru Greadigol yn hybu economi Cymru ac yn helpu'r sector yng Nghymru i ffynnu | LLYW.CYMRU