Mae Gweinidog y Gymraeg ac Addysg, Jeremy Miles wedi croesawu gwaith ymchwil newydd sy’n edrych ar sut y gall busnesau weithio gydag ysgolion a cholegau er budd pobl ifanc i’r dyfodol.
Mae adroddiad ‘Pontio i Fyd Gwaith’, gan Dr Hefin David AS, wedi’i gomisiynu gan Lywodraeth Cymru.
Mae rhai o argymhellion adroddiad ‘Pontio i Fyd Gwaith’ eisoes yn cael eu gweithredu. Fis diwethaf, cyhoeddodd Gweinidog y Gymraeg ac Addysg £500,000 ar gyfer cynllun profiad gwaith pwrpasol i ddysgwyr ifanc sy’n ymddieithrio oddi wrth addysg ac mewn perygl o fod yn NEET.
Mae Addysg Gyrfaoedd a Phrofiadau sy’n Gysylltiedig â Byd Gwaith yn rhan orfodol o’r Cwricwlwm i Gymru erbyn hyn, o 3 i 16 oed, gan ddod â’r maes i sylw ysgolion cynradd yn ogystal ag ysgolion uwchradd.
I gael rhagor o wybodaeth, dewiswch y ddolen ganlynol Busnesau Lleol ac ysgolion yn cydweithio i greu cyfleoedd gwaith i bobl ifanc | LLYW.CYMRU