Yn ystod y gwanwyn eleni, rydym yn galw arnoch i’n helpu i ddiogelu’r amgylchedd am fod gweithredoedd bach ar eich stepen drws yn gwneud gwahaniaeth mawr. Ymunwch â ni rhwng 17 Mawrth a 2 Ebrill 2023.
Rydym eisiau ysbrydoli miloedd ohonoch chi, #ArwyrSbwriel ar hyd a lled Cymru, i ddod ynghyd i gasglu a gwaredu sbwriel yn ddiogel o’n strydoedd, mannau gwyrdd a’n traethau.
Mae’r neges eleni yn syml: gall hyd yn oed un bag wneud gwahaniaeth. Ymunwch â ni a gwnewch addewid i godi gymaint o sbwriel ag y gallwch yn ystod yr ymgyrch. Gallech ddewis codi un sach yn unig, neu gallech osod nod i chi eich hun o gasglu gymaint ag y gallwch.
P’un ai eich bod yn godwr sbwriel brwd neu dyma’r tro cyntaf i chi ymuno â ni, gwnewch addewid i godi un sach – neu fwy – heddiw.
Cofrestrwch ddigwyddiad glanhau os ydych yn unigolyn, yn grŵp cymunedol neu’n fusnes.
Am ragor o wybodaeth, ewch i Gwanwyn Glân Cymru 2023 - Keep Wales Tidy - Caru Cymru
Sefydlu cynllun ailgylchu yn y gweithle
Ar y cyfan, gellir osgoi, ailddefnyddio neu ailgylchu o leiaf 50% - 70% o’r gwastraff swyddfa y ceir gwared ohono fel gwastraff cyffredinol yn eich biniau ond mae cyflwyno cynllun ailgylchu yn eich gweithle’n haws nag y byddech yn ei feddwl! Am ragor o wybodaeth, ewch i Sefydlu cynllun ailgylchu yn y gweithle | Busnes Cymru (gov.wales)