Mae’r Gronfa Trawsnewid Ynni Diwydiannol (IETF) yn cefnogi datblygu a defnyddio technolegau sy’n galluogi busnesau sy’n defnyddio llawer o ynni i symud tuag at ddyfodol carbon isel.
Mae Cam 3 IETF yn darparu cyllid grant ar gyfer y mathau canlynol o brosiectau:
- astudiaethau – astudiaethau dichonoldeb a pheirianneg i alluogi cwmnïau i ymchwilio i brosiectau effeithlonrwydd ynni a datgarboneiddio a nodwyd, cyn gwneud penderfyniad i fuddsoddi
- effeithlonrwydd ynni – defnyddio technolegau i leihau’r defnydd o ynni mewn diwydiant
- datgarboneiddio – defnyddio technolegau i gyflawni arbedion ar allyriadau diwydiannol
Cyllideb gyffredinol Cam 3 IETF yw £185 miliwn, ac mae’r gystadleuaeth yn agored i fusnesau o unrhyw faint sydd â safle cymwys yng Nghymru, Lloegr neu Ogledd Iwerddon.
Cynhelir cystadleuaeth Gwanwyn 2024 rhwng dydd Llun 29 Ionawr a dydd Gwener 19 Ebrill 2024.
Cofrestrwch ar gyfer gweminar friffio rhanddeiliaid IETF (IETF stakeholder briefing webinar) a gynhelir ddydd Mawrth 6 Chwefror 2024, 10am tan 12pm.
I gael rhagor o wybodaeth, dewiswch y ddolen ganlynol: Industrial Energy Transformation Fund - GOV.UK