Gyda chefnogaeth yr Adran Busnes a Masnach, bydd y Comisiynydd Busnesau Bach yn lansio Cod Talu Teg newydd yn ddiweddarach yn 2024. Bydd y Cod newydd yn gwobrwyo busnesau am fabwysiadu arferion talu teg i gyflenwyr o bob maint a chyflenwyr bach yn benodol.
Bydd y Cod newydd yn cynnwys set o egwyddorion talu teg y mae'n ofynnol i gwmnïau lofnodi i gadarnhau y byddant yn glynu atynt, yn ogystal â thri chategori gwobrwyo:
- Aur – Ar gyfer cwmnïau sy'n talu 95% o'u cyflenwyr o fewn 30 diwrnod.
- Arian – Ar gyfer cwmnïau sy'n talu 95% o'u cyflenwyr sy’n fusnesau bach o fewn 30 diwrnod a phob cyflenwr arall o fewn 60 diwrnod.
- Efydd – Ar gyfer cwmnïau sy'n talu 95% o’u cyflenwyr o fewn 60 diwrnod.
Bydd y Cod newydd yn disodli'r Cod Talu’n Brydlon sydd wedi bod yn weithredol ers 2008.
Mae’r Cod Talu’n Brydlon yn parhau i fod ar gael ar gyfer llofnodwyr ond bydd yn cael ei atal ac yn y pen draw yn cau unwaith y bydd y Cod Talu Teg newydd yn cael ei lansio. Gall cwmnïau wneud cais o hyd i'r Cod Talu’n Brydlon ond dylent fod yn ymwybodol y bydd hwn yn newid yn ddiweddarach yn y flwyddyn. Cysylltir â chwmnïau sy'n mynegi diddordeb yn y Cod Talu’n Brydlon, yn ogystal â llofnodwyr presennol, gyda manylion am sut i wneud cais am y Cod Talu Teg unwaith y bydd yn cael ei lansio.
Cliciwch ar y ddolen ganlynol i gael rhagor o wybodaeth: New Fair Payment Code (smallbusinesscommissioner.gov.uk)