Mae Llywodraeth Cymru wedi cyhoeddi cronfa o £150,000 i helpu cwmnïau iechyd i ddatblygu ffyrdd newydd o ddefnyddio technoleg ddigidol yn y frwydr yn erbyn y coronafeirws.
Nod y gronfa fydd treialu’n gyflym brosiectau yn y sectorau iechyd a gofal i hwyluso diagnosis o bell, casglu data a monitro argaeledd cyfarpar amddiffyn personol (PPE).
Bydd y gronfa yn cefnogi treialu a gwerthuso’n gyflym blatfformau digidol newydd, apiau a thechnolegau i benderfynu ar eu defnydd hirdymor a’u posibiliadau o fewn y gwasanaeth iechyd.
Gellir cyflwyno ceisiadau ar www.sdi.click/coviddigidol. Y dyddiad cau yw 8 Mehefin 2020.