Mae busnesau ac unigolion ledled y byd yn wynebu heriau enfawr yn wyneb y pandemig coronafeirws.
Mae’r gofyniad i aros gartref a chadw pellter cymdeithasol neu ymneilltuo yn cyflwyno bygythiadau newydd i ystod eang o fusnesau a gwasanaethau, o fusnesau dosbarthu i wneuthurwyr bwyd, adloniant, gwasanaethau ariannol, gofal iechyd, lletygarwch, adwerthu, trafnidiaeth a chymorth cymunedol.
Gall arloesi busnes wneud cyfraniad pwysig iawn at ddatblygu ffyrdd o ysgafnhau’r aflonyddwch yn sgil COVID-19 ac unrhyw aflonyddu byd-eang yn y dyfodol.
Mae Innovate UK yn buddsoddi hyd at £20 miliwn mewn prosiectau busnes i ddatblygu syniadau arloesol ac uchelgeisiol i fynd i’r afael ag anghenion cymdeithas neu ddiwydiant sy’n deillio o’r argyfwng coronafeirws.
Er enghraifft, gallai hyn gynnwys:
- llwyfannau a meddalwedd newydd ar gyfer cerddoriaeth
- ffyrdd newydd i deuluoedd gysylltu â’u perthnasau oedrannus neu fregus a’u monitro o bell
- technoleg i helpu adwerthwyr ymateb yn well i gynnydd mewn galw gan gwsmeriaid
- adnoddau addysg newydd sy’n galluogi i athrawon osod tasgau o bell sy’n cadw’r dosbarth cyfan gyda’i gilydd
Y dyddiad cau i wneud cais yw dydd Gwener 17 Ebrill 2020.
Am ragor o wybodaeth, ewch i wefan GOV.UK.