Mae cronfa newydd gwerth £5 miliwn wedi agor heddiw ar gyfer prosiectau a fydd yn darparu triniaethau gofal iechyd arloesol i gyn-filwyr.
Bydd y cyllid yn cefnogi sefydliadau sy'n ceisio ymchwilio i a threialu technoleg arloesol a allai helpu cyn-filwyr ag anghenion gofal iechyd cymhleth.
Weithiau, bydd cyn-filwyr yn wynebu problemau iechyd unigryw o ganlyniad i'w gwasanaeth milwrol a bydd y Gronfa Arloesi Iechyd Cyn-filwyr yn sbarduno arloesedd mewn technegau a fydd yn y pen draw yn helpu trin cyn-aelodau o'r lluoedd arfog sydd wedi cael eu hanafu wrth wasanaethu'r wlad.
Mae'r gronfa bellach ar agor ar gyfer nifer o feysydd, gan gynnwys:
- Digidol, data a thechnoleg, gan gynnwys drwy ddeallusrwydd artiffisial, realiti rhithwir a defnyddio data i ragweld canlyniadau iechyd hirdymor
- Gwelliannau mewn technegau llawfeddygol arloesol, adsefydlu ar gyfer anafiadau yn sgil ffrwydron a thechnolegau ymyrryd ar gyfer anaf trawmatig i'r ymennydd
- Treialu ymyriadau a thriniaethau ar gyfer effaith poen, colli clyw a nam ar y golwg
- Mentrau i helpu amlygu a darparu atebion i wahaniaethau mewn iechyd a gofal iechyd cyn-filwyr benywaidd
Mae'r broses ymgeisio am grant wedi cael ei chefnogi gan y Cyflymydd Amddiffyn a Diogelwch (DASA). Mae'r broses ymgeisio ar agor tan 31 Awst 2022.
I gael mwy o wybodaeth, ewch i New £5 million innovation fund for cutting edge veterans’ healthcare - GOV.UK (www.gov.uk)