Gall sefydliadau cymunedol ac elusennau cofrestredig yng Nghymru wneud cais nawr am gyfran o £1.5 miliwn.
Mae’r cyllid ar gael drwy Gronfa Cefnogi Syniadau Gwych - Cronfa Gymunedol y Loteri Genedlaethol. Mae’n rhaid i brosiectau fod yn werth o leiaf £10,001 ac nid oes unrhyw uchafswm grant wedi ei nodi.
Mae grantiau gwobrwyo Cefnogi Syniadau Gwych yn cefnogi syniadau arloesol a phwysig yn strategol sy’n annog newid cymdeithasol cadarnhaol yng Nghymru.
Croesewir ceisiadau sy’n cyflawni’r blaenoriaethau isod:
- cefnogi sefydliadau i addasu neu arallgyfeirio i ymateb i heriau newydd a rhai yn y dyfodol
- cefnogi cymunedau sy’n cael eu heffeithio’n niweidiol gan COVID-19
- cefnogi cymunedau a sefydliadau i fod yn fwy gwydn er mwyn eu helpu i ymateb yn well i achosion o argyfwng yn y dyfodol.
Nid oes dyddiad cau ar gyfer Cefnogi Syniadau Gwych – gallwch wneud cais ar unrhyw adeg.
Am ragor o wybodaeth, ewch i wefan Cronfa Gymunedol y Loteri Genedlaethol, ffôn 029 2168 0214 neu e-bost wales@tnlcommunityfund.org.uk