Bydd y Gronfa Tanwydd Niwclear yn ceisio dyfarnu grantiau i brosiectau a all gynyddu sector tanwydd niwclear domestig y DU, lleihau'r angen am fewnforion tramor a chreu'r deunydd a ddefnyddir mewn gorsafoedd pŵer niwclear i gynhyrchu trydan - gyda chyllid yn mynd tuag at ddylunio a datblygu cyfleusterau newydd.
Dyfernir hyd at £75 miliwn mewn grantiau i gefnogi costau datblygu buddsoddiadau mewn galluoedd tanwydd niwclear newydd yn y DU, gan gefnogi amrywiaeth o fathau a meintiau o adweithyddion, gan gynnwys adweithyddion modiwlaidd bach ac uwch.
Bydd cefnogaeth llywodraeth y DU yn annog cyd-fuddsoddiad y sector preifat yn y prosiectau a sicrhau bod y DU yn adeiladu ar ei hetifeddiaeth o arloesi a chynhyrchu tanwydd niwclear.
Mae llywodraeth y DU yn gofyn i bartïon gofrestru eu diddordeb i wneud cais am gyllid a gwahodd mwy o wybodaeth am anghenion buddsoddi'r sector. Mae hefyd yn gwahodd rhanddeiliaid niwclear nad ydynt yn bwriadu gwneud cais i'r Gronfa i ddarparu gwybodaeth o'u profiad a fydd yn helpu i aeddfedu dyluniad y gronfa cyn agor cyfnod y cais yn yr hydref 2022.
I gael mwy o wybodaeth, ewch i Government fund to accelerate nuclear fuel supply opens - GOV.UK (www.gov.uk)