O 1 Hydref 2020 mae Cyllid a Thollau EM (CThEM) wedi cynyddu'r trothwy ar gyfer talu rhwymedigaethau treth i £30,000 ar gyfer cwsmeriaid Hunanasesu i helpu i leddfu unrhyw faich ariannol posibl y gallent fod yn ei dioddef oherwydd pandemig y coronafeirws (COVID-19).
Gellir defnyddio'r gwasanaeth cynllun talu ar-lein eisoes i sefydlu trefniadau rhandaliadau ar gyfer talu rhwymedigaethau treth hyd at £10,000.
Rhaid i gwsmeriaid sy'n dymuno sefydlu eu trefniadau Amser i Dalu hunanwasanaeth eu hunain fodloni'r gofynion canlynol:
- mae angen iddyn nhw fod heb:
- ffurflenni treth sy'n ddyledus
- o dyledion treth eraill
- o cynlluniau talu eraill Cyllid a Thollau EM wedi'u sefydlu
- mae angen i'r ddyled fod rhwng £32 a £30,000
- mae angen sefydlu'r cynllun talu heb fod yn hwyrach na 60 diwrnod ar ôl dyddiad dyledus dyled
Bydd rhaid i gwsmeriaid sy'n defnyddio Amser i Dalu hunanwasanaeth dalu unrhyw log ar y dreth sy'n ddyledus. Bydd llog yn cael ei gymhwyso i unrhyw falans sy'n weddill o 1 Chwefror 2021.
Gall cwsmeriaid Hunanasesu sefydlu eu cynllun talu ar-lein eu hunain i helpu i wasgaru cost eu bil treth.
Byddwch yn ymwybodol o sgamiau sy'n honni eu bod gan Gyllid a Thollau EM, gan gynnig eich helpu i sefydlu cynlluniau talu i dalu unrhyw dreth sy'n ddyledus. Mae'r sgamiau hyn yn ceisio cynaeafu'ch manylion i ddwyn eich arian.
Gwiriwch GOV.UK i gael gwybodaeth ar sut i adnabod cyswllt dilys Cyllid a Thollau EM.