I nodi dyddiad Angladd Gwladol Ei Mawrhydi'r Frenhines Elizabeth II, bydd dydd Llun, 19 Medi 2022, yn Ŵyl Banc genedlaethol.
Bydd hyn yn caniatáu i unigolion, busnesau a sefydliadau eraill dalu eu parch i'w Mawrhydi a choffáu Ei theyrnasiad, tra'n nodi diwrnod olaf y cyfnod o alaru cenedlaethol.
Bydd yr Ŵyl Banc hon yn gweithredu yn yr un modd â Gwyliau Banc eraill, ac nid oes hawl statudol i amser i ffwrdd. Gall cyflogwyr gynnwys Gŵyl y Banc fel rhan o hawl gweithiwr i wyliau.
Bydd Gŵyl y Banc yn foment genedlaethol unigryw, a byddem yn annog cyflogwyr i ymateb yn sensitif i geisiadau gan weithwyr sydd eisiau cymryd amser i ffwrdd.
Mae Llywodraeth y DU wedi cyhoeddi canllawiau ar gyfer y cyhoedd a busnesau ar y cyfnod o alaru cenedlaethol.
I gael gwybodaeth yng Nghymru, ewch i: Marwolaeth Ei Mawrhydi y Frenhines Elizabeth II: canllawiau Galar Cenedlaethol | LLYW.CYMRU