Fel rhan o’r Wythnos Addysg Oedolion 2023, bydd y Sefydliad Dysgu a Gwaith yn cydlynu Diwrnod Sgiliau ar gyfer Gwaith ar 21 Medi i ganolbwyntio ar bwysigrwydd darparu cyfleoedd dysgu yn y gweithle.
Mae’r Wythnos Addysg Oedolion yn ymgyrch flynyddol a gaiff ei chydlynu mewn partneriaeth gyda Llywodraeth Cymru sy’n anelu i gysylltu pobl gydag ystod eang o gyfleoedd dysgu, cyngor a gwybodaeth.
Ar hyd yr Wythnos Addysg Oedolion, caiff amrywiaeth o sesiynau blasu ar-lein ac wyneb yn wyneb, cyrsiau byr, dyddiau agored, gwybodaeth a chyngor eu hyrwyddo drwy blatfform yr ymgyrch. Gall darparwyr addysg oedolion a hoffai gofrestru eu gweithgareddau drwy gydol mis Medi gael mwy o wybodaeth ar wefan yr ymgyrch.
Cydnabod gwerth sgiliau ar gyfer gwaith
Mae cyfleoedd i ddysgu yn y gwaith yn hanfodol wrth gyfrannu at greu diwylliant o ddysgu gydol oes, darparu llwybrau i gynyddu sgiliau mwy o bobl a chreu gweithleoedd iachach.
Gall addysg oedolion fod â buddion sylweddol ac eang ar gyfer unigolion, yn cynnwys y rhai sy’n gysylltiedig gyda iechyd, cyflogaeth, bywyd cymdeithasol a’r gymuned. Canfu ein Adult Participation in Learning Survey 2022 fod y buddion mwyaf cyffredin a brofir gan ddysgwyr yn gysylltiedig â gwaith. Mae ychydig dros un mewn pump o oedolion yn credu eu bod wedi gwella’r sgiliau sydd eu hangen i wneud eu gwaith.
Mae’r buddion eraill a nodwyd gan yr ymatebwyr hynny yn cynnwys cynyddu hyder yn y gwaith, cael cymhwyster cydnabyddedig a chynhyrchiant uwch yn y gwaith neu wella ansawdd gwaith.
Ar Ddiwrnod Sgiliau ar gyfer Gwaith bydd sefydliadau ar draws Cymru yn rhoi’r sylw ar gyfleoedd i ddysgu ar gyfer gwaith.
Gall trefnu gweithgaredd fel rhan o’r Diwrnod Sgiliau ar gyfer y Gwaith roi ffocws i:
- Ddathlu a hyrwyddo’r dysgu a’r sgiliau a gynigir a llwyddiannau pobl yn y gwaith i arddangos effaith.
- Darparu cyrsiau blasu anffurfiol, sesiynau rhoi cynnig arni neu gyfleoedd gloywi sgiliau i fireinio sgniliau ar gyfer e.e. sgiliau hanfodol, technoleg i gynnig adolygiadau canol bywyd a chynllunio ar gyfer y dyfodol.
- Rhannu sgiliau, darganfod talent ac angerdd cudd – cael hwyl, bod yn greadigol ac ysgogi brwdfrydedd dros ddysgu rhywbeth newydd.
- Cynyddu ymwybyddiaeth o gyfleoedd gweithle i ddysgu ac adeiladu mwy o ymgysylltu.
- Ysgogi strategaethau dysgu a datblygu.
Rhannu eich ymchwil diweddaraf, adroddiadau neu flogiau gyda ffocws ar sgiliau.
Mae Dysgu a Gwaith yn croesawu sylwadau a syniadau ar gyfer y Diwrnod Sgiliau ar gyfer Gwaith. Os oes gan eich sefydliad ddiddordeb yn y cyfle hwn, cysylltwch yn uniongyrchol gyda’r Sefydliad Dysgu a Gwaith yn uniongyrchol: alwevents@learningandwork.org.uk – mae mwy o wybodaeth hefyd ar gael ar eu gwefan.