Mae Llywodraeth y DU wedi bod yn adeiladu a phrofi gwasanaeth ar-lein newydd i gyflogwyr sy'n rhoi cyngor ac arweiniad ar reoli iechyd ac anabledd yn y gweithle.
Mae'r gwasanaeth yn esbonio eich rhwymedigaethau cyfreithiol ac arfer da - gallai fod yn arbennig o ddefnyddiol i fusnesau llai heb gymorth Adnoddau Dynol mewnol neu fynediad at wasanaeth iechyd galwedigaethol.
Mae’r Awdurdod Gweithredol Iechyd a Diogelwch (HSE) yn cefnogi datblygu'r gwasanaeth hwn a hoffai eich cymorth i'w brofi.
Drwy gymryd rhan, byddwch yn derbyn gwybodaeth ac arweiniad am ddim ar faterion cyflogaeth yn gysylltiedig ag iechyd ac anabledd. Gallech ei ddefnyddio i helpu i reoli achos cyfredol, neu edrych o gwmpas y safle yn unig i weld beth sy'n ddefnyddiol ac amlygu gwelliannau.
Pa ffordd bynnag y byddwch yn dewis cymryd rhan, treuliwch amser i roi adborth. Bydd eich barn yn hanfodol i gefnogi datblygiad parhaus y gwasanaeth.
Ewch i'r wefan Cymorth gydag iechyd ac anabledd gweithwyr i sicrhau y caiff eich llais ei glywed.