Mae Innovate UK, rhan o Ymchwil ac Arloesi yn y DU, yn buddsoddi hyd at £2 miliwn i ariannu prosiectau ymchwil a datblygu ar y cyd sy’n canolbwyntio ar ymchwil ddiwydiannol.
Gall busnesau sydd wedi’u cofrestru yn y DU wneud cais a bydd cyllid yn cael ei ddyfarnu i brosiectau iechyd digidol a dyfeisiau clyfar sy’n hyrwyddo heneiddio’n iach.
Mae’n rhaid iddynt fodloni un neu fwy o’r themâu hyn:
- roboteg
- deallusrwydd estynedig ac artiffisial
- meddalwedd fel dyfais feddygol
- dyfeisiau y gellir eu gwisgo
- dyfeisiau meddygol
- diagnosteg
- delweddu
- dadansoddeg data
- synwyryddion
- apiau
Mae’n rhaid i brosiectau gynnwys o leiaf un partner o un o’r gwledydd sy’n rhan o’r Rhwydwaith EUREKA. Mae’r gwledydd hyn yn cynnwys:
- Ffrainc
- Sbaen
- Gwlad Belg
- Lwcsembwrg
- Canada
- Malta
- Twrci
- Awstria
Bydd y gystadleuaeth yn cau ar 5 Awst 2020.
Am ragor o wybodaeth, ewch i wefan GOV.UK.