Mae Llywodraeth y DU wedi cyhoeddi 12 enillydd cystadleuaeth y Cynlluniau Datgarboneiddio Diwydiannol Lleol, a fydd yn elwa o gyfran o hyd at £6 miliwn i ddatblygu cynlluniau ar gyfer dyfodol carbon isel.
Bydd y cyllid hwn yn rhoi cyfle i fusnesau a phartneriaid buddugol gydweithio ar gynlluniau i dorri eu hallyriadau, gan ddysgu oddi wrth ei gilydd a, hefyd, cael at gynghorwyr technegol i’w paratoi i fabwysiadu mesurau fel defnyddio hydrogen neu ddal carbon.
Dyfarnwyd cyllid yng Nghymru i NEW-ID (North East Wales Industrial Decarbonisation).
Partneriaid:
- Net Zero Industry Wales Ltd (Arweinydd)
- Prifysgol Bangor
- Wales & West Utilities Ltd
- SP Manweb plc
- Uniper Hydrogen UK Ltd
- Net Zero Energy Systems Ltd
Mae’r prosiect hwn yn adeiladu ar y momentwm a gafwyd yn Fforwm Datgarboneiddio Glannau Dyfrdwy a menter Cymru Sero Net i gynyddu cydweithredu, cryfhau sgiliau cynllunio datgarboneiddio a galluogi datblygiad strwythurau trefniadaethol ar gyfer datgarboneiddio seiliedig ar le, o fewn 2 ganolfan twf glân:
- Canolfan Twf Glân Glannau Dyfrdwy, Sir y Fflint
- Canolfan Twf Glân Wrecsam
Am ragor o wybodaeth, cliciwch ar y ddolen ganlynol: Local Industrial Decarbonisation Plans competition: winning projects - GOV.UK