Mae’r Awdurdod Datgomisiynu Niwclear - gan gynnwys Sellafield Ltd a Magnox Ltd - wedi cydweithio ag Innovate UK i alw ar gwmnïau i feddwl am syniadau newydd a dulliau arloesol o fynd i’r afael â’r her.
Mae roboteg, synwyryddion, deallusrwydd artiffisial a systemau awtonomaidd ond yn rhai o’r technolegau posibl y gellid eu defnyddio ar gyfer y gystadleuaeth Didoli a Gwahanu Gwastraff Niwclear.
Mae ar agor i unrhyw sefydliad sydd â diddordeb - does dim rhaid iddyn nhw fod o gefndir niwclear – ac mae croeso iddyn nhw sefydlu consortiwm a datblygu cynllun i fynd i’r afael â’r her. Mae’n ymwneud â gwaith yn Sellafield a sawl un o safleoedd adweithyddion niwclear Magnox – sef cenhedlaeth gyntaf y DU o adweithyddion niwclear.
Bydd y gystadleuaeth yn agor ar 17 Awst gyda digwyddiad briffio ar-lein a gynhelir ar 25 Awst. Dyddiad cau’r gystadleuaeth yw 11 Tachwedd 2020 am 11am.
Am ragor o wybodaeth am y gystadleuaeth a sut i wneud cais, ewch i GOV.UK.