Mewn astudiaeth newydd a gyhoeddwyd heddiw, mae Cymru wedi cael ei henwi'n ail orau yn y byd am ailgylchu.
Mae Cymru ymhell ar y blaen yn y DU, ac mae ychydig y tu ôl i Awstria yn y safleoedd byd-eang a gyhoeddwyd gan Eunomia Research and Consulting a Reloop.
Mae Gogledd Iwerddon yn 9fed, Lloegr yn 11eg a'r Alban yn 15fed ymhlith y 48 o wledydd sydd wedi cael eu cynnwys wrth gymharu'r cyfraddau.
Roedd ‘Global Recycling League Table - Phase One Report’ yn edrych ar sut hwyl y mae 48 o wledydd yn ei chael wrth ailgylchu, gan gynnwys y gwledydd hynny sy'n cofnodi'r cyfraddau ailgylchu uchaf, a llawer o economïau mwyaf y byd.
Mae'n cael ei gyhoeddi heddiw ar Ddiwrnod Amgylchedd y Byd.
I gael rhagor o wybodaeth, dewiswch y ddoleni ganlynol: