Mae newid hinsawdd nid yn unig yn ddrwg i’r blaned; mae hefyd yn niweidiol i’r economi fyd-eang hefyd.
Bydd cystadleuaeth Menter Ymchwil Busnesau Bach Innovate UK yn cynorthwyo i integreiddio ffactorau hinsawdd ac amgylcheddol i’r gwasanaethau ariannol. Gall sefydliadau wneud cais am gyfran o hyd at £1.5 miliwn sy’n cynnwys TAW.
Bydd y gystadleuaeth hon yn cyllido prosiectau sy’n dod â dadansoddi risgiau amgylcheddol a hinsawdd i arferion bob dydd y gwasanaethau ariannol.
Mae’r risgiau hyn yn cynnwys:
- risgiau ffisegol i gadwyni cyflenwi ac eiddo yn sgil trychinebau naturiol cynyddol gyffredin
- risg ymgyfreitha lle mae busnesau yn atebol am eu cyfraniad at ddifrod i natur
- risg pontio lle mae symudiadau economaidd-gymdeithasol neu wleidyddol tuag at sero net yn tanseilio buddsoddiadau anghydnaws
Bydd y gystadleuaeth yn cyllido cwmnïau i ddatblygu datrysiadau trosfwaol ar gyfer cyllid gwyrddu ac i dreialu’r datrysiadau hyn gyda phartneriaid yn y diwydiant cyllid.
Y dyddiad cau yw 16 Chwefror 2022.
Am ragor o wybodaeth, ewch i Climate and environmental risk analytics for resilient finance: phase one – UKRI