Mae Vaughan Gething, Gweinidog yr Economi, a Julie James, y Gweinidog Newid Hinsawdd, wedi cyhoeddi ymgynghoriad ar gynigion i’w gwneud yn ofynnol i ddatblygwyr tai sicrhau bod pob tŷ newydd sy’n cael ei adeiladu yn gallu derbyn cysylltiad band eang gigadid.
Bydd hyn yn golygu bod yn rhaid i ddatblygwyr sicrhau:
- bod seilwaith ffisegol gigabit parod ar gyfer cysylltiadau sy'n gallu delio â gigabit yn cael eu gosod ym mhob cartref newydd
- bod cysylltiad galluog gigabit mewn cartrefi newydd yn amodol ar Uchafswm Cost o £2,000 fesul annedd
- neu pan nad yw cysylltiad sydd yn gallu ymdopi a gigabit yn cael ei osod, gosodir y cysylltiad band eang cyflymaf nesaf heb fod yn fwy na'r uchafswm cost o £2,000
Mae cysylltedd digidol yn gynyddol bwysig i bobl ledled Cymru o ran cadw mewn cysylltiad â ffrindiau a theulu, gweithio gartref neu gyrchu gwasanaethau cyhoeddus.
Pan fo cartrefi newydd yn cael eu hadeiladu, rydyn ni eisiau sicrhau bod cysylltiadau’n gyson ac yn addas ar gyfer y dyfodol. Felly, mae Llywodraeth Cymru wedi ymrwymo i uwchraddio ein seilwaith digidol a chyfathrebu drwy ei Rhaglen Lywodraethu a’r Strategaeth Ddigidol i Gymru.
Bydd yr ymgynghoriad yn cau ar 28 Ebrill 2023.
I gael mwy o wybodaeth, cliciwch ar y ddolen ganlynol Mae ymgynghoriad wedi agor ar gynigion i’w gwneud yn ofynnol sicrhau cyflymder lawrlwytho o 1 gigadid yr eiliad ym mhob cartrefnewydd sy’n cael ei adeiladu | LLYW.CYMRU