Rebecca Evans AS, y Gweinidog Cyllid a Llywodraeth Leol
Heddiw (16 Mai 2023), rwy’n lansio ymgynghoriad ar gynigion a fyddai’n golygu rhyddhad gwelliannau ar gyfer ardrethi annomestig.
Mae Llywodraeth Cymru'n mynd ar drywydd ystod o ddiwygiadau yn ystod tymor presennol y Senedd, a fydd yn gwneud newidiadau hanfodol a chadarnhaol i ardrethi annomestig yng Nghymru. Rydym yn cydnabod bod llawer o fusnesau o’r farn nad yw’r system ardrethi annomestig yn cynnig cymhelliad i fuddsoddi mewn gwelliannau i eiddo, gan y gallai cynnydd yn y gwerth ardrethol sy'n deillio o hynny arwain at fil uwch.
Bwriedir i'n cynigion ar gyfer rhyddhad gwelliannau helpu i fynd i'r afael â'r rhwystr posibl hwn i fuddsoddi a thwf yn y sylfaen drethi, drwy sicrhau y bydd trethdalwyr yn dechrau gwireddu'r manteision i'w busnes yn sgil y gwelliannau i'w heiddo cyn iddynt gael eu hadlewyrchu yn eu hatebolrwydd ardrethi annomestig. Gan ddibynnu ar ganlyniad yr ymgynghoriad, mae Llywodraeth Cymru'n cynnig darparu'r rhyddhad o 1 Ebrill 2024.
Bydd yr ymgynghoriad yn para am 12 wythnos, a gofynnir am ymatebion erbyn 8 Awst 2023.
Mae'r ymgynghoriad ar gael yn: Rhyddhad ardrethi gwelliannau