Bydd miliynau o weithwyr yn elwa o gyfreithiau newydd a fydd yn sicrhau eu bod yn cadw 100% o'r arian y maent wedi'i ennill yn sgil cael tip.
Daeth y Ddeddf Cyflogaeth (Dyrannu Tipiau) a'r Cod Ymarfer statudol ar ddosbarthu tipiau yn deg ac yn dryloyw i rym ar 1 Hydref 2024, wedi iddi gael ei chyflwyno drwy Fil Aelod Preifat y llynedd.
Bydd y newidiadau hyn yn ei gwneud yn ofynnol i gyflogwyr drosglwyddo'r holl dipiau, arian rhodd a thaliadau gwasanaeth i weithwyr, heb ddidyniadau.
Os yw cyflogwr yn torri'r gyfraith ac yn cadw tipiau, bydd gweithiwr yn gallu dwyn hawliad gerbron tribiwnlys cyflogaeth.
Mae'r rhan fwyaf o gyflogwyr eisoes yn rhoi tipiau i'r staff sy'n eu hennill; fodd bynnag, bydd y cyfreithiau hyn yn mynd i'r afael â'r lleiafrif o fusnesau sy'n parhau ag arferion tipio annerbyniol.
Gallai cyflogwyr sy’n torri’r gyfraith gael eu gorfodi i dalu dirwyon neu iawndal i staff, gyda gweithwyr yn gallu sicrhau bod cyflogwyr yn gwbl atebol trwy dribiwnlysoedd cyflogaeth.
Cliciwch ar y ddolen ganlynol i gael rhagor o wybodaeth: Millions to take home more cash as Tipping laws come into force - GOV.UK (www.gov.uk)