Mae Enterprise Nation a Google wedi dod ynghyd i annog busnesau Prydain i dyfu. Google Digital Garage yw un o raglenni mwyaf blaenllaw Google yn y DU, ac mae’n cynnig hyfforddiant sgiliau digidol a mentora am ddim i berchnogion busnesau bach.
Bydd y digwyddiadau'n cynnig hyfforddiant am ddim i bobl sy’n berchen ar fusnesau bach, sy’n ystyried sefydlu eu busnesau eu hunain, neu sy’n awyddus i ddatblygu eu rhagolygon gwaith.
Dewch i un o’r digwyddiadau i gael hyfforddiant arbenigol ar ystod o bynciau sy'n gysylltiedig â thwf, gan gynnwys strategaethau ar gyfer y cyfryngau cymdeithasol, cysylltu â mwy o gwsmeriaid, a rheoli eich ôl troed digidol.
Bydd cynghorwyr dibynadwy Enterprise Nation yn cynnal sesiynau ar y pynciau canlynol:
- Hybu gwerthiant ar-lein gyda Google Business Profile
- Datblygu strategaeth farchnata ddigidol
- Gwneud eich busnes yn weladwy ar Google
- Defnyddio Google Analytics i olrhain traffig eich gwefan
Cewch gyfleoedd i rwydweithio, a gallwch hefyd drefnu sesiynau mentora preifat trwy gydol y dydd gyda Hyfforddwyr Google Digital a fydd yn canolbwyntio ar eich nodau personol chi i ehangu eich busnes neu i ddatblygu eich gyrfa.
Bydd dau ddigwyddiad yng Nghymru ar 12 Gorffennaf 2024, ac mae’r manylion isod:
- Google Digital Garage: Gŵyr – 10am tan 3pm, archebwch eich lle yma
- Google Digital Garage: Merthyr Tudful – 10am tan 3pm, archebwch eich lle yma
Digwyddiadur Busnes Cymru
Defnyddiwch Ddigwyddiadur Busnes Cymru i chwilio am sesiynau hyfforddi, gweithdai, rhwydweithio, seminarau a mwy ym maes busnes gan amrywiaeth o sefydliadau: Digwyddiadur Busnes Cymru (business-events.org.uk)