Mae disgwyl i Ddeallusrwydd Artiffisial (AI) gynyddu’r bygythiad meddalwedd wystlo byd-eang dros y ddwy flynedd nesaf; dyna rybudd penaethiaid seiber mewn adroddiad newydd a gyhoeddwyd.
Mae The near-term impact of AI on the cyber threat assessment, a gyhoeddwyd gan y Ganolfan Seiberddiogelwch Genedlaethol (NCSC), sy’n rhan o GCHQ, yn dod i’r casgliad bod deallusrwydd artiffisial eisoes yn cael ei ddefnyddio mewn gweithgarwch seiber maleisus a bydd bron yn sicr o gynyddu nifer yr ymosodiadau seiber a’u heffaith – gan gynnwys meddalwedd wystlo – yn y dyfodol agos.
Ymhlith casgliadau eraill, mae’r adroddiad yn awgrymu bod AI, trwy ostwng y ffin fynediad i droseddwyr seiber newydd, hacwyr i’w hurio a hactifyddion, yn galluogi bygythiadau cymharol anfedrus i gyflawni gweithrediadau mynediad a chasglu gwybodaeth fwy effeithiol. Bydd y mynediad gwell hwn, ar y cyd â’r gallu y mae AI yn ei roi i dargedu dioddefwyr yn well, yn cyfrannu at fygythiad meddalwedd wystlo byd-eang dros y ddwy flynedd nesaf.
Meddalwedd wystlo yw’r bygythiad seiber mwyaf difrifol o hyd sy’n wynebu sefydliadau a busnesau’r DU, gyda throseddwyr seiber yn addasu eu modelau busnes i ennill effeithlonrwydd a mwyhau elw.
Mae paratoi effeithiol yn ganolog i atal ymosodiadau meddalwedd wystlo.
Am ragor o wybodaeth a chyngor, cliciwch ar y dolenni canlynol: