Cyflwynwyd y Dreth Pecynnau Plastig (PPT) newydd ar 1 Ebrill 2022. Os ydych chi’n gweithgynhyrchu neu'n mewnforio pecynnau plastig i'r DU, efallai y bydd angen i chi gofrestru ar gyfer y Dreth Pecynnau Plastig, cyflwyno ffurflen y Dreth Pecynnau Plastig a thalu unrhyw dreth sy'n ddyledus.
Wrth i ddiwedd y cyfnod cyfrifyddu chwarterol cyntaf ar gyfer y Dreth Pecynnau Plastig, mae CThEM eisiau rhannu rhai nodiadau atgoffa defnyddiol ar lenwi’ch ffurflenni a gwneud eich taliadau ar gyfer y Dreth Pecynnau Plastig.
Gwybodaeth bwysig – ffurflenni a thaliadau cyntaf:
- os ydych yn atebol i gofrestru neu os ydych chi eisoes wedi cofrestru ar gyfer y Dreth Pecynnau Plastig, o 1 Gorffennaf 2022 ymlaen, rhaid i chi gyflwyno'ch ffurflen y Dreth Pecynnau Plastig a thalu unrhyw dreth sy'n ddyledus erbyn 29 Gorffennaf 2022 fan bellaf
- mae angen i'ch ffurflen y Dreth Pecynnau Plastig gynnwys pecynnau plastig a weithgynhyrchwyd neu a fewnforiwyd i'r DU, o'r adeg y daethoch yn atebol hyd at 30 Mehefin 2022
- rhaid i chi gadw cyfrifon a chofnodion i gefnogi'r wybodaeth a ddarperir pan fyddwch yn llenwi eich ffurflen chwarterol y Dreth Pecynnau Plastig
- rhaid i'ch cyfrifon ddangos sut rydych wedi cyfrifo'r ffigurau a gyflwynwch ar eich ffurflen y Dreth Pecynnau Plastig, a rhaid i'ch cofnodion ddangos y dystiolaeth i gefnogi'r ffigurau hyn
- rhaid i chi gadw eich cyfrifon a'ch cofnodion am o leiaf 6 blynedd o ddiwedd y cyfnod cyfrifyddu, a chofnodi pwysau mewn tunelli, cilogramau a gramau
- bydd angen i chi dalu unrhyw dreth sy'n ddyledus drwy eich cyfrif y Dreth Pecynnau Plastig ar-lein. Gallwch dalu drwy Ddebyd Uniongyrchol, BACS, CHAPS, cerdyn debyd/credyd corfforaethol neu Daliadau Cyflymach
- i'ch atgoffa o'r camau hyn a'r holl ddyddiadau dychwelyd a thalu ar gyfer 2022-23 lawrlwythwch daflen y Dreth Pecynnau Plastig
Mae arweiniad ar gyfer y Dreth Pecynnau Plastig ar gael ar Gov.UK collection page